På den eldste delen av kyrkjegarden ved Norum kyrkje står ein heller høg, obeliskforma minnestein. Innskrifta ber bod om at her vart ein skuleelev gravlagd og at lærarar og skulekameratar reiste minnesteinen på grava hans.
Innskrifta
Minnesteinen er i lys granitt og det står innskrive:
TOMAS FONDENÆS * 23/10 1882 * 21/1 1902.
På postamentet står:
DETTE MINNE ER REIST * AV HANS LÆRARAR OG * SKULEKAMERATAR * I VOLDEN.
Image
Minnesteinen på grava til Tomas Andreasson Fondenæs. Tilgroing gjer skrifta noko vanskeleg å lesa.
The memorial stone on the grave of Tomas Andreasson Fondenæs. Weathering and lichen have made it fairly hard to read the inscription.
Datering
2003.
Fotograf
Hermund Kleppa.
Eigar
Fylkesarkivet i Sogn og Fjordane.
Tomas Fondenæs
Tomas Andreasson Fondenæs, fødd 23.10.1882 i Hosanger, var son til Andreas Johnsen Fondenæs, fødd 1846 i Lindås, og Anna, fødd 1845 i Manger. I år 1900 var huslyden busett på Lomelde og Andreas Fondenæs var kyrkjesongar, lærar, postopnar og gardbrukar. Tomas og systera Maren var elevar på Sogndals folkehøgskule. Tomas byrja truleg på lærarskulen i Volda hausten 1901 og døydde 21. januar 1902 av hjernebetennelse.
