Bergenskjøpmannen Jan von der Lippe var den siste eigaren av heile Follese gard. I 1756 selde han eigedomen til fem av leiglendingane. Dei andre brukarane i bygda vart bygselmenn under dei nye eigarane. Bruket Træet vart delt i Nordre og Søndre Træ. Den siste bygselmannen i Træet var Kristoffer Rasmussen og kona hans, Ana. Då Kristoffer døydde i 1955, hadde han ingen livsarvingar. For å sikra husa på den gamle husmannsplassen og dei fine naturkvalitetane i området, vart Follese heimbygdlag skipa. På eigedomen er det våningshus, saueflor, naust og jordkjellar. Den gamle husbunaden i stova frå slutten av 1700-talet gjev oss eit lite nærbilete av levekåra til ein fiskar og småbrukar rundt år 1900. På veggen heng originalteikninga «En stril» av Hans Dahl.
Husmannsplassen Træet (Helge Sunde)
The smallholding Træet, Askøy
Træet
Husmannsplassen Træet, interiør (Hans-Kr. Bukholm).