Ny gjestgjevarstad
Jens Knutsen flytte to gamle stover, kalla tingstovene, frå Arnehus til Gudvangen. I desse stovene hadde det ofte vore tingsamlingar, der fut, sorenskrivar og bønder møttest for å avgjera viktige saker. Jens Knutsen brukte truleg desse stovene til matservering og overnatting for tilreisande.
I 1827 kom Jakob Rosenwinge Ringkjøb, fødd i Nordland, til staden. Men Jakob døydde allereie i 1832, og enkja gifte seg opp att i 1841 med Jens Fynboe Wilman, frå Orkdal i Trøndelag. No vart det sett opp fleire nye og store hus, og denne familien dreiv staden til ut i 1860-åra.
Nye eigarar
I 1869 kom Johan Daniel Schultz, frå Askøy og kona Kristine Margrete Larsen, frå Aurland til staden. Ekteparet nytta ein stor bygning på vestsida av vegen mot kaien til hotelldrifta, og og namnet var Schultz Hotel. Denne og andre bygningar vart tekne ned og flytte bort nokre år seinare.
I 1879 var det på nytt eigarskifte. Ole Knutsen Helland, frå Lærdal og kona, Brita Kristoffersdotter Torsnes frå Balestrand kjøpte gjestgjevarstaden. Dei bygde nytt hotell på vestsida av vegen mot kaien kring 1880, og det fekk namnet Hellands Hotel. Men Ole Knutsen døydde allereie i 1882, og Brita dreiv hotellet som enkje i fleire år. På den andre sida av vegen låg dei to gamle tingstovene, og dei var no vorte bygde saman til eitt hus. I dette huset dreiv Brita butikk. Men drifta gjekk tungt, og det vart konkurs og auksjon.
The Annexe. This was originally two court houses that in the early 19th century had been moved to Gudvangen and joined into one building. The serving of food and accommodation started in this house.
Vikingvang Hotel
I 1891 kom Alfred Barclay Meidel til hotellet. Han hadde tidlegare segla som styrmann i utanriksfart, men no kom han frå Oddadalen Turisthotel. Kring 1895 bygde han på hotellet med ein stor spisesal mot sør, og inngangspartiet vart flytta frå austsida til nordsida av bygningen. No vart namnet endra til Vikingvang Hotel. Dei to tingstovene på den andre sida av vegen, som no var ein bygning og vart kalla Annekset, høyrde og til hotelleigedomen. No vart taket heva slik at det vart full høgd i andre etasjen, og arken midt på huset vart teken bort.
I 1899 var det på nytt eigarskifte, og Christian Dinger overtok drifta. Han kom frå Freiburg i Tyskland og var direktør på Stalheim Hotel frå 1897 til kring 1911. Det er lite truleg at han sjølv arbeidde på hotellet i Gudvangen, for Stalheim Hotel var stort, og det var stor trafikk der i desse åra.
The building that from about 1890 to the 1960s was called Vikingvang Hotel, seen towards the north. The main building dates from about 1880. The dining room was in the extension in the foreground, built about 1900. The chimney was built in more recent years.
Hotellet vart bustadhus
Eigarane av Stalheim Hotel var eigarar av Vikingvang Hotel like fram til 1951. Dette året vart hoetllbygningen og eit område omkring skilt ut som eigen eigedom. Hans Martinussen Dræge kjøpte eigedomen og dreiv hotellet fram til kring 1960. Kring 1979 kjøpte Ragnvald Ingebrigtsen Buene frå Gudvangen eigedomen, og han budde her fram til han døydde i 2001.