Finansiering
Veganlegget var eit ledd i ein raskare og betre E39, med kortare ferjesamband og betre vegstandard. Anlegget vart finansiert over det ordinære riksvegbudsjettet, og første løyving kom i 1986. I Norsk vegplan var det lagt opp til ei løyvingstakt som tilsa opning i 1991, men grunna ei ekstra løyving på 13 mill. kroner i 1989, kunne opninga framskundast til 1990. Den samla kostnaden for anlegget vart 79 mill. kroner (1990-kr). Veganlegget er på 9630 m og har ei vegbreidd på 7,5 m. Skrikebergtunnelen er 1500 m, og tunnelarbeidet her vart gjort frå november 1988 til juli 1989.
Nytt ferjesamband
Statsråd Lars Gunnar Lie opna vegen 22. juni 1990. Han sa i si helsing at målet var ein ferjefri kyststamveg. Vegen gav nytt ferjesamband mellom Oppedal-Lavik med overfartstid på 20 minutt mot 35 minutt på det gamle sambandet Brekke-Lavik. Med kortarte overfartstid kan ferja gå fleire turar, og kapasiteten på sambandet vart auka vesentleg. Frå 1. april 1992 byrja det å gå nattferjer.
The Minister of Transport and Communications Lars Gunnar Lie opened the road connection. To the left stands the construction manager Jon Skårhaug. Behind stands the county governor Ingvald Ulveseth.
The ferry connection Brekke-Lavik became operational in 1965. This picture was taken on one of the last crossings in 1990 before it was replaced by the new connection Oppedal-Lavik.
Vegutløysing for sørsida
Eit anna viktig moment med det nye vegstykket var at bygdene på sørsida i den ytre delen av Sognefjorden fekk samanhengjande vegsamband frå Sygnefest i Gulen til Ortnevik i Høyanger. Det medførte at ferja Svartemyr-Nordeide vart nedlagd og erstatta av eit nytt lokalbåtsamband Nordeide-Ortnevik.
"Vakre vegers pris"
Denne prisen vart stifta av vegdirektør Eskild Jensen i 1988, og skulle stimulera til betre estetiske kvalitetar ved norske veg- og bruanlegg. I 1992 fekk Instefjord-Oppedal prisen. I juryen si instilling heiter det at veganlegget er eit særs godt døme på korleis ein kan byggja ein vakker veg i harmoni med omgivnadene. Vegen glir naturleg inn i terrenget, og fyllingar og skjeringar er lite dominerande. Det er ein kunst i seg sjølv i det bratte fjordlandskapet. Veganlegget konkurrerte med 15 andre anlegg.
Inspirasjon og påskjønning
At ein heilt ordinær vegstubb skulle få ein slik pris var nok ei viktig påskjønning for vegetaten i fylket. Vegen var slett ikkje spesielt påkosta, men han ligg fint i terrenget. Heile anlegget ber preg av solid og godt tradisjonelt handverk der dei framifrå gråsteinmurane merkar seg ut. Det var første gong Sogn og Fjordane fekk denne prisen.