<p>Minnesteinen over eitt av offera ved eksplosjonskatastrofen p&aring; Stavfjorden hausten 1945.Steinen som st&aring;r ved Eikefjorden kyrkje, har denne innskrifta:<br /> ANDREAS HESJEDAL - FALL I TENESTA - FOR - FEDRELANDET - 1945.</p>
Minnesteinen over eitt av offera ved eksplosjonskatastrofen på Stavfjorden hausten 1945.Steinen som står ved Eikefjorden kyrkje, har denne innskrifta: ANDREAS HESJEDAL - FALL I TENESTA - FOR - FEDRELANDET - 1945.

<p>The memorial stone commemorating one of the casualties in the explosion on the Stavfjord in the autumn of 1945. The stone stands at the Eikefjord church and has the following inscription:<br />
ANDREAS HESJEDAL - DIED IN ACTION - FOR - HIS COUNTRY - 1945.</p>

Datering
2000
Fotograf
Kolbjørn Løken
Eigar
Fylkesarkivet i Sogn og Fjordane
Av Hermund Kleppa
Publisert 02.10.2000
Monument / Monument

Minnestein over Andreas Hesjedal

Attmed kyrkja i Eikefjord står ein minnestein over Andreas Hesjedal som omkom i ei forferdeleg ulukke ved Florø 1. september 1945. Ein fullasta lekter med krigsammunisjon gjekk i lufta under arbeid med å dumpa sprengstoffet. 19 mann miste livet. Kameratar og ungdomslaget reiste steinen i 1947.

Minnesteinen

Den vel 3 meter høge prismeforma steinen står like ved Eikefjord kyrkje, framfor to store bjørker som kan vera planta i 1947 då steinen vart reist. Det var kameratar til Andreas Hesjedal og ungdomslaget i Eikefjord som reiste steinen. Steinen vart avduka 17. mai 1947, og kvart år seinare har det vorte lagt ned krans.

Omtale i bokverket Våre falne

HESJEDAL, ANDREAS SIGVARD, bygningssnikkar, Kinn. Fødd 10. mars 1917 i Kinn, s. til Lyder Olai Vilhelm Hesjedal og Anna Maria Bertia, f. Helle. Var med i kampane i 1940 i ein bombekastartropp i Valdres. Vart innkalla til vakthald sumaren 1945. Miste livet under esplosjonsulukka ved Florø 1. september 1945, då eit farty som var lasta med ammunisjon, eksploderte.

Andreas Hesjedal (1917-1945).
Andreas Hesjedal (1917-1945).

Andreas Hesjedal (1917-1945).

Datering
Ukjend.
Fotograf
Ukjend.
Eigar
I Vår falne.

Katastrofen

Kva var det som skjedde katastrofedagen 1. september 1945, fire månader etter freden? Florøbladet Firda Folkeblad skreiv om ulukka dagen etter. Befolkningen i Florø hadde kvelden før vorte oppskremde av eit voldsomt brak. Det viste seg at det var ein nederlandsk lektar som hadde sprunge i lufta ute på Stavfjorden. Båten vart nytta til transport av krigsammunisjon som skulle søkkjast i havet.
Lektaren var komen til Vassreset mellom Furesundet og Oddane då ulukka skjedde. Eksplosjonen var enorm. Dei som kom ut til ulukkesstaden like etterpå, fann berre fliser av båten og nokre klesfiller. 19 mann var borte.

M/S "Thekla" var ein tysk lastelektar med sivilt mannskap.
M/S "Thekla" var ein tysk lastelektar med sivilt mannskap.

M/S "Thekla" was a German barge with a civilian crew.

Datering
Ukjend.
Fotograf
Ukjend.
Eigar
I "Theklas" himmelferd.

M/S Theklas himmelferd

I 1997 kom det ut ei lita bok om hendinga på Stavfjorden hausten 1945. Forfattaren, Inger Cecilie Stridsklev, kallar boka eit minneskrift. Etter omfattande undersøkingar har ho langt på veg kasta lys over det som skjedde. Ho fortel om mennene som var om bord, gjev kvar av dei eit ansikt. Dessutan reiser ho spørsmålet om kven som hadde ansvaret for at store mengder sprengstoff, til dels ekstremt farleg, vart handsama av eit heilt ukvalifisert mannskap: fem tyskarar som var mannskap om bord på "Thekla", to andre tyskarar, 10 utkommanderte fangar som venta på rettargang, ein brite og vaktmannen Andreas Hesjedal. Var det ikkje eit klart brot på den internasjonale folkeretten?


Stridsklev, Inger Cecilie: M/S Theklas himmelferd.1997.
Avisa Firda Folkeblad 04.09.1945.