Fleischers Hotell kan føra soga si tilbake til 1865, då internasjonal turisme var byrja å gjera seg gjeldande i bygda. Det noverande huset i sveitserstil vart bygt i 1889. I over hundre år har det teke imot gjester frå alle kantar av verda. Fleischerfamilien, som eig hotellet, er også eigarar av Grovendal, grannegarden ved Vangsvatnet. J.S. Fleischer vart utnemnd til sorenskrivar i Hardanger og Voss i 1733. Han kjøpte Grovendal i 1760 og flytte til Voss nokre år etter. Seinare overtok Fleischerfamilien den eigedommen der hotellet vart bygt. Det er i dag eitt av dei få attverande store turisthotella i sveitserstil, og framleis i full drift.
Hotellet i 1928 (K. Knudsen)
The hotel in 1928.
Fleischers Hotell
Frå gamalt av har Vossevangen vore eit knutepunkt, der reisande kunne få mat og husly. På 1600-talet fekk bygda faste gjestgjevarar, men herberga var ofte tarvelege. Det betra seg etter kvart, og i 1844 skreiv Hans Konow om Vossevangen: «Man har et særdeles hyggeligt kvarter, det bedste mellom Christiania og Bergen.»
Grovendal slik det står i dag (Svein Nord).