Verås

I lyngheia, i det opne landskapet vest for riksvegen mot Mongstad, ligg gardane Verås, Syslak og Risa. Verås er delt i to bruk. Dei gamle driftsmåtane med torvtaking og moldhenting vart haldne ved lag heilt til vår tid. Tuntreet, potetkjellaren, kjelda og den vesle gardfloren i bøgarden var delar av ein harmonisk heilskap. Kvardagen var strevsam; eit gardshushald prega av nøysemd – ei finstilt utnytting av alle ressursar. Utmarka til Verås og Syslak låg som eit samanhengjande lynghei- og myrområde mot nord og aust som no gror att.